Լեռնային Ղարաբաղում ականի պայթյունի հետևանքով 1 ռուս խաղաղապահ և Լեռնային Ղարաբաղի Արտակարգ իրավիճակների նախարարության 4 աշխատակից է վիրավորվել։

 Հաղորդում է РИА Новости լրատվական գործակալությունը՝ հղում անելով ՌԴ պաշտպանության նախարարությանը։

Բացի դրանից, պայթյունի հետևանքով մահացել է 1 ադրբեջանցի զինծառայող։

Գործակալությունը հաղորդում է, որ ռուս սպային տեղափոխել են Բաքվի հիվանդանոց․ նրա կյանքին վտանգ չի սպառնում։

Ինչպես փոխանցում է  ShantNews.am-ը, դեպքը տեղի է ունեցել Մատաղիս գյուղի շրջակայքում, երբ ռուս խաղաղապահների խումբը, Ադրբեջանի զինված ուժերի, ԼՂ ԱԻՆ-ի, ինչպես նաև Կարմիր խաչի միջազգային կոմիտեի ներկայացուցիչների հետ իրականացնում էին մարտերում զոհվածների մարմինների որոնումները։

157