Բաժանորդագրվեք araratnews-ի տելեգրամ ալիքին։
Մենք պլանավորում էինք, որ անվանական ՀՆԱ-ն կաճի 11 տոկոսով, նոր կանխատեսմամբ՝ անվանական ՀՆԱ-ն կաճի 7 տոկոսով: Այս մասին ասաց Պետական եկամուտների կոմիտեի նախագահ Ռուստամ Բադասյանն ԱԺ հանձնաժողովների համատեղ նիստում 2025 թ․ պետական բյուջեի մասին օրենքի նախագծի նախնական քննարկումների ժամանակ:
«Բնականաբար, ակտուալ չէ նախապես ծրագրված թիվը, որովհետև արդեն նոր կանխատեսում ունենք. այսինքն՝ 2 տրիլիոն 611 միլիարդ դրամ էր ակնկալվում, եթե անվանական ՀՆԱ-ն աճեր 11 տոկոսով, նոր կանխատեսված ցուցանիշներով ակնկալում ենք 2 տրիլիոն 455 միլիարդ դրամ: Տարվա ավարտին նոր հնարավոր կլինի ամփոփել արդյունքները»,- ասաց Բադասյանը։
Ըստ ՊԵԿ նախագահի, այս տարի տնտեսական արդյունքները լավ են, սակայն ակնկալվածից փոքր-ինչ ցածր են։