Բաժանորդագրվեք araratnews-ի տելեգրամ ալիքին։
Լոռու մարզի Գյուլագարակ գյուղում կրթահամալիր կկառուցվի: Այս նպատակով Գյուլագարակ համայնքի ավագանին որոշել է գյուղի Գարգառ Կենտրոնական փողոց 50/1 հասցեում գտնվող 0․11977 հեկտար մակերեսով հողամասը և նույն փողոցի 50 հասցեում գտնվող 178․99 քառ. Մետր մակերեսով մանկապարտեզի շենքը, ինչպես նաև դրա զբաղեցրած 0․05688 հեկտար մակերեսով հողամասը նվիրատվությամբ փոխանցել Հայաստանի Հանրապետությանը։
Կրթահամալիրը կառուցվելու է Հայաստանի տարածքային զարգացման հիմնադրամի կողմից;
Նախագծով նախատեսվում է նաև նվիրատվության պայմանգրի և հանձնման-ընդունման աշխատանքների ավարտից հետո Գույք 1-ը և Գույք 2-ը միավորել՝ գրանցելով որպես մեկ գույքային միավոր։
Կառավարությունն այսօրվա իր նիստում իր որոշմամբ ընդունեց նվիրատվությունը:
Նշենք, որ այս որոշումը մինչև 2026 թվականը մինչեւ 300 դպրոց կառուցելու, հիմնանորոգելու կամ վերանորոգելու կառավարության ծրագրի շրջանակներում է: