Բաժանորդագրվեք araratnews-ի տելեգրամ ալիքին։
«Այս համակարգը կարևոր է ապապետությունից պետություն անցման տրամաբանության մեջ: Համընդհանուր հայտարարագիրը այն քայլերց մեկն է, որը իմ խորին համոզմամբ մեզ պետականազուրկ ժողովրդի գործելակարգից պիտի առաջնորդի որպես պետականատեր ժողովրդի գործելակարգ»,- ԱԺ-Կառավարություն հարցուպատասխանի ընթացքում ասաց ՀՀ վարչապետ Նիկոլ Փաշինյանը՝ անդրադառնալով համընդհանուր հայտարարագրման պրոցեսին:
Վարչապետը նշեց, որ նպատակներից մեկը՝ հակակոռուպցիոն պայքարի և կոռուպցիայի կանխարգելման շղթան ամբողջացնելն է. «երկրորդը՝ մեր սոցիալական քաղաքականությունը ավելի հասցեական և նպատակաուղղված դարձնելն է: Մենք ոչ մեկի չենք ուզում վատություն անենք, բայց մենք ուզում ենք նրանցից, ովքեր օբյեկտիվորեն չունեն փողերի կարիքը, այդ փողերը վերահասցեագրենք նրանց, ովքեր ունեն դրա կարիքը»:
Փաշինյանը հավելեց, որ ցանկանում են, որ մեր երկրի քաղաքացիները կրթության և առողջապահության վրա ավելի շատ գումար ծախսեն, այդ պատճատով էլ այդ ուղղություններով ավելի շատ գումար ծախսելու դեպքում եկամտային հարկից վերադարձ կիրականացվի:
«Համընդհանուր հայտարարագրմամբ ստվերի կրճատման շատ կարևոր գործառույթ ենք իրականացնում: Այսպիսով մենք բիզնեսի արդար հարկման մեխանիզմ ենք ստեղծում»,- ավելացրեց վարչապետը: