Բաժանորդագրվեք araratnews-ի տելեգրամ ալիքին։
Հանրայնացվել է դերասանուհի Դեմի Մուրի՝ աղբամանում հայտնաբերված անձնական օրագրի բովանդակությունը, գրում է Daily Mail-ը։ Այնտեղ աստղը նկարագրել է ամուսնուն դավաճանելու, ալկոհոլի և թմրամոլության ժամանակաշրջաններն ու իր ծանր մանկությունը:
Նա գրառումներ է արել 14 տարեկանից։ Նա իր անձնական օրագիրը թողել է նախկին ամուսնու՝ Բրյուս Ուիլիսի մոտ, իսկ նա սխալմամբ դեն է նետել ձայնագրությունները՝ իր հին իրերի հետ միասին։ Հատկանշական է, որ սկանդալային օրագիրը հայտնաբերվել է «Օսկար»-ից մի քանի օր առաջ, երբ դերասանուհին առաջադրվել է «Լավագույն դերասանուհի» անվանակարգում։
Իր օրագրի էջերում դերասանուհին խոստովանել է իր առաջին ամուսնուն բազմաթիվ դավաճանություններում ու մանրամասներ պատմել իրենց հարսանիքի մասին։
«Հարսանիքի նախօրեի գիշերը ես վերցրեցի շամպայնի շիշն ու գնացի տեսնելու այն տղային, որի հետ այդ ժամանակ ֆիլմ էինք նկարահանվում: Նա ինձ արթնացրեց հաջորդ առավոտյան ժամը 10:30-ին, և ես պետք է պատրաստ լինեի մի ժամվա մեջ: Ես իմ հարսանիքին հասա ուշացած, խումհարի մեջ ու մեղքի զգացումով։ Հաջորդ երեք տարիները լավագույնը չէին։ Ես սկսեցի ավելի շատ խմել և թմրանյութեր օգտագործել։ Ես բավականին շատ սիրավեպեր ունեի, որոնք պարզապես թաքնվելու միջոց էին»,- խոստովանել է Դեմի Մուրը՝ խոսելով Ֆրեդի Մուրի հետ իր ամուսնության մասին:
Անձնական օրագրում նկարագրված է նաև ծանր մանկությունը։ Օրինակ՝ դերասանուհին պատմել է, թե ինչպես է ականատես եղել սեփական մոր ինքնասպանության փորձին։ 14 տարեկանում Դեմի Մուրը սկսել է թմրանյութեր օգտագործել, իսկ 15 տարեկանում նրան բռնության է ենթարկել մի տարեց տղամարդ։ Այս պատմությունը ողբերգական ավարտ ունի՝ դերասանուհու մայրը աղջկան վաճառել է 500 դոլարով, ըստ երևույթին, նույն տղամարդուն։