Բաժանորդագրվեք araratnews-ի տելեգրամ ալիքին։
Մյանմայի զինվորական իշխանությունները չորեքշաբթի ժամանակավոր հրադադար են հայտարարել երկրում քաղաքացիական պատերազմի ժամանակ՝ 7,7 մագնիտուդ ուժգնությամբ երկրաշարժից հետո, որը խլել է ավելի քան 3000 մարդ: Այս մասին տեղեկացնում է Associated Press-ը:
Նշվում է, որ բանակի բարձրագույն հրամանատարությունը հայտարարել է, որ զինադադարը կտևի մինչև ապրիլի 22-ը:
Հայտարարությունը հաջորդել է միակողմանի ժամանակավոր հրադադարին, որը հայտարարել են ռազմական կառավարմանը դեմ զինված դիմադրության խմբերը: Այդ խմբավորումները պետք է ձեռնպահ մնան պետության վրա հարձակվելուց կամ վերախմբավորվելուց, հակառակ դեպքում զինվորականները կձեռնարկեն անհրաժեշտ միջոցներ, ասված է բանակի հայտարարության մեջ։
Չորեքշաբթի ավելի վաղ՝ երկրաշարժից հինգ օր անց, փրկարարները Մյանմայի մայրաքաղաքի հյուրանոցի ավերակներից երկու հոգու ողջ-ողջ դուրս էին բերել, իսկ երրորդին՝ մեկ այլ քաղաքի հյուրատնից: Սակայն որոնողափրկարարական թիմերի մեծ մասը միայն դիակներ է գտել: