Բաժանորդագրվեք araratnews-ի  տելեգրամ ալիքին։

Ինչպես հայտնել ենք, ՀՀ հակակոռուպցիոն կոմիտեն մանրամասներ է հրապարակել Գյումրիի ավագանու արտահերթ ընտրություններին մասնակցող կուսակցությունների դաշինքի թեկնածու «Չոռնի Անո»-ի՝ Անահիտ Խալաթյանի գործից:

71-ամյա կինը Գյումրիի 75-ամյա բնակչին խոստացել է ընտրակաշառք՝ նշված դաշինքի օգտին քվեարկելու պայմանով ընտրողներ հավաքագրելու համար: Հիշյալ բնակիչն էլ դիմել է իր շրջապատի՝ ընտրելու իրավունք ունեցող մի շարք անձանց՝ ընտրություններին մասնակցելու և վերը նշված դաշինքի օգտին քվեարկելու համար ու տվյալները փոխանցել ընտրակաշառք առաջարկած կնոջը:

Հնարավոր բացահայտումից զերծ մնալու համար վերջիններս խոսել են քողարկված ձևով՝ ընտրողներին անվանելով «դասարանցիներ», իսկ «դասերից չբացակայել» ասելով՝ նկատի ունենալով ընտրություններին մասնակցելը:

Հակակոռուպցիոն կոմիտեի ներկայացրած ձայնագրությունների սղագրությունը:

Ձայնագրություն 1

-Ազիզ, էդ հետո կխոսինք, դուք լա՞վ եք:

-Լավ ենք, էնքան լավ ենք, օր առանց բռնվել կերտանք կկրենք կբերենք, կկրենք, կբերենք:

Ձայնագրություն 2

-Մեր դասարանի երեխեքին բդի էրտամ տեսնիմ էսօր:

-Լավ, լավ, լավ...

-Հասկցա՞ր, օր դասերից չբացակայեն, հասկցա՞ր (ծիծաղում է)...

- Վա՜յ, լավ...

Նշենք՝ տեսանյութում հրապարակված ցուցակներում ևս հասցեների և անունների դիմաց նշված է Անո Խ. (Անահիտ Խալաթյան):