Բաժանորդագրվեք araratnews-ի տելեգրամ ալիքին։
Չորեքշաբթի երեկոյան ԱՄՆ նախագահ Դոնալդ Թրամփը հայտարարեց այլ երկրներից ներմուծվող ապրանքների համար փոխադարձ մաքսատուրքեր սահմանելու մասին։ Վաշինգտոնի գործողությունները զայրացրել են բազմաթիվ համաշխարհային առաջնորդների․ նրանք արձագանքել են Թրամփի որոշմանը՝ խոստանալով փոխադարձ գործողություններ կիրառել:
• Չինաստանը մեղադրել է ԱՄՆ-ին առևտրային պրոտեկցիոնիզմի մեջ, կոչ է արել շտկել իր սխալները և խոստացել հակաքայլեր կիրառել։
• Գերագույն Ռադան նշել է, որ ուկրաինական ներմուծման 10 տոկոս տուրքերը տնտեսական «բարձրագույն կարգի ցինիզմ են»:
• Ֆրանսիայի վարչապետ Ֆրանսուա Բայրուն մաքսատուրքերը աղետ է անվանել համաշխարհային տնտեսության համար։
• Կոլումբիայի նախագահ Գուստավո Պետրոն մաքսատուրքերի ներդրումը նեոլիբերալիզմի մահ է համարել։
• Գերմանիայի կանցլերի պաշտոնակատար Օլաֆ Շոլց սա հարված է համարել համաշխարհային առևտրային կարգին. դրանից տուժելու են բոլորը։
• ԵՄ-ն այդ միջոցները համարում է լուրջ հարված բիզնեսին և սպառողներին։
• Մեծ Բրիտանիայի վարչապետ Քիր Սթարմերը շեշտել է՝ մաքսատուրքերը տնտեսական հետևանքներ կունենան, Լոնդոնը պատրաստ է դրան։
• Բրազիլիան ափսոսում է Թրամփի որոշման համար և պաշտպանելու է իր արտադրողների շահերը։
• Հունաստանի ֆինանսների նախարարությունը Վաշինգտոնի գործողությունները գնահատել է որպես վերադարձ պրոտեկցիոնիզմին։
• Հարավային Աֆրիկան մաքսատուրքերը դիտում էր որպես ընդհանուր բարգավաճման խոչընդոտ:
• Ֆինլանդիայի վարչապետ Պետերի Օրպոն հիշեցրել է, որ առևտրային պատերազմում հաղթողներ չկան։
• Ճապոնիան մտավախություն ունի, որ ԱՄՆ մաքսատուրքերի որոշումը չի համապատասխանում ԱՀԿ-ի համաձայնագրին։
• Ավստրալիայի վարչապետ Էնթոնի Ալբանեզը դրանք անվանել է «լիովին անհիմն»:
Թրամփի խոսքով՝ մաքսատուրքերի ներդրումը կլինի պետությունների տնտեսական անկախության հռչակումը և կօգնի հսկայական միջոցներ օգտագործել պետական պարտքը մարելու համար։