Բաժանորդագրվեք araratnews-ի տելեգրամ ալիքին։
Վատիկանը հայտարարել է, որ 88 տարեկան հասակում մահացել է Հռոմի պապ Ֆրանցիսկոսը։ Վատիկանը X սոցիալական ցանցում հայտնել է, որ պապը մահացել է իր նստավայրում՝ Araratnews.am-ի փոխանցմամբ։
«Առավոտյան ժամը 7.35-ին Հռոմի եպիսկոպոս Ֆրանցիսկոսը վերադարձել է Տիրոջ տուն։ Նրա ողջ կյանքը նվիրված էր Տիրոջը եւ նրա Եկեղեցուն ծառայությանը»,- ասել է կարդինալ Քեւին Ֆերելը։
Հռոմի եպիսկոպոս և կաթոլիկ եկեղեցու ղեկավար պապը դարձել է պապ 2013 թվականին, երբ իր նախորդը՝ Բենեդիկտոս XVI-ը, հրաժարական տվեց։
Հիշեցնենք, որ փետրվարի 14-ին Հռոմի պապը հոսպիտալացվել է բրոնխիտի բուժման համար։ Երիտասարդ տարիքում՝ իր հայրենի Արգենտինայում, Ֆրանցիսկոսը թոքի մի մասը հեռացրել է։ Կյանքի վերջին մի քանի տարիներին նա տեղաշարժվելու համար անվասայլակի կամ ձեռնափայտի կարիք ուներ և սահմանափակել էր իր հրապարակային ելույթները՝ պայքարելով բրոնխիտի և գրիպի դեմ։
Ֆրանցիսկոսը որպես պապ առաջին անգամ հիվանդանոցում է եղել 2021 թվականին՝ հաստ աղիքի մի մասը հեռացնելու վիրահատության համար։
Վերջերս նա առողջական խնդիրները պատճառով ստիպված է եղել բաց թողնել Հռոմի կաթոլիկ օրացույցի նշանակալի իրադարձությունները, այդ թվում՝ անցյալ տարի Հռոմի Կոլիզեում ավանդական Ավագ Ուրբաթ օրվա երթը։
2022 թվականին նա ակնարկել է, որ կարող է հրաժարական տալ, եթե իր առողջությունը վատանա, այն բանից հետո, երբ նրան լուսանկարեցին անվասայլակով տեղաշարժվելիս։