Բաժանորդագրվեք araratnews-ի տելեգրամ ալիքին։
Մադրիդի «Ռեալի» խաղացող Անտոնիո Ռյուդիգերին երկարաժամկետ որակազրկում է սպառնում «Բարսելոնայի» դեմ խաղից հետո։
Իսպանիայի Գավաթի եզրափակչի երկրորդ լրացուցիչ ժամանակի ավելացված ժամանակում մրցավար Ռիկարդո դե Բուրգոս Բենգոեչեան կասեցրել է Մադրիդի «Ռեալի» գրոհը՝ Էրիկ Գարսիայից Կիլիան Մբապեին կատարած փոխանցման պատճառով։ Սա զայրացրել է Անտոնիո Ռյուդիգերին, ով պահեստայինների նստարանից սառույց է նետել մրցավարի ուղղությամբ։
Այս արարքի համար մադրիդցիների պաշտպանը հեռացվել է խաղադաշտից։
Այսօր Գերմանիայի հավաքականի ֆուտբոլիստը ներողություն է խնդրել իր պահվածքի համար։
«Սրան արդարացում չկա, ես սխալվել եմ», ասել է նա։
Այժմ Ռյուդիգերին սպառնում է երկար որակազրկում՝ չորսից տասներկու խաղով: Նման սանկցիա նախատեսված է Կարգապահական օրենսգրքի հոդվածով։