Բաժանորդագրվեք araratnews-ի տելեգրամ ալիքին։
Ուկրաինան չի կարող հաղթել պատերազմում, եթե այն տևի ևս մի քանի տարի, իսկ ժամանակի ընթացքում հակամարտությունը սպառնում է վերաճել միջուկային էսկալացիայի, ասել է ԱՄՆ փոխնախագահ Ջ.Դ. Վենսը պահպանողական ամերիկացի փոդքասթեր Չարլի Քըրքի հետ հեռախոսային հարցազրույցում։
Վենսն ասել է, որ լրատվամիջոցներում կա «տարօրինակ գաղափար», որ եթե պատերազմը շարունակվի ևս մի քանի տարի, Ռուսաստանը կպարտվի, Ուկրաինան կվերադարձնի իր տարածքը, և ամեն ինչ կվերադառնա պատերազմից առաջ եղած ժամանակի նման, բայց «դա այն իրականությունը չէ, որում մենք ապրում ենք»։ «Եթե սա չդադարի, ուկրաինացիները չեն հաղթի պատերազմում»,- ասել է Վենսը։
Նա հավելել է, որ եթե պատերազմը շարունակվի ևս մի քանի տարի, երկու երկրներն էլ կբախվեն ժողովրդագրական խնդիրների, միլիոնավոր մարդիկ կարող են զոհվել, և ընդհանուր առմամբ հակամարտությունը «կարող է վերաճել միջուկային պատերազմի»։