Բաժանորդագրվեք araratnews-ի  տելեգրամ ալիքին։

Վրաստանում ավարտվել են ՆԱՏՕ-ի բազմազգ Agile Spirit 2025 զորավարժությունները, որոնք անցկացվում էին հուլիսի 25-ից։ Այս մասին հայտնել է Վրաստանի պաշտպանության նախարարության մամուլի ծառայությունը։

Զորավարժությունների պաշտոնական փակման միջոցառումները տեղի են ունեցել Թբիլիսիի մոտ գտնվող Վազիանիի մարտական պատրաստության կենտրոնի շքերթի հրապարակում։ Վրաստանի պաշտպանության նախարարության և ԱՄՆ դեսպանատան ներկայացուցիչները տարբեր մեդալներ և պատվոգրեր են հանձնել զորավարժությունների ընթացքում աչքի ընկած զինվորներին։

Զորավարժություններին մասնակցել են զինծառայողներ Վրաստանից, ԱՄՆ-ից, Թուրքիայից, Լեհաստանից, Գերմանիայից, Իտալիայից, Հունաստանից, Մոլդովայից, Ռումինիայից, Բուլղարիայից, Սլովակիայից, Լիտվայից և Ուկրաինայից։ Հայաստանի և Ճապոնիայի զինված ուժերի ներկայացուցիչները հանդես են եկել որպես դիտորդներ։

Agile Spirit-ը Վրաստանում անցկացվում է ամեն տարի՝ 2011 թվականից։ 2015 թվականին դրանք առաջին անգամ անցկացվել են ՆԱՏՕ-ի հովանու ներքո, մինչ այդ դրանք վրաց-ամերիկյան էին։