Բաժանորդագրվեք araratnews-ի տելեգրամ ալիքին։
Ռուսաստանը, հաշվի առնելով կողմերի դիրքորոշումները, աջակցում է Ադրբեջանի և Հայաստանի համատեղ որոշմանը՝ լուծարելու ԵԱՀԿ Մինսկի խումբը, որը զբաղվում էր ղարաբաղյան հակամարտության կարգավորմամբ։
Այս մասին, Araratnews.am-ի փոխանցմամբ, РБК-ին հայտնել է ԵԱՀԿ-ում Ռուսաստանի մշտական ներկայացուցիչ Ալեքսանդր Լուկաշևիչը։
Նրա խոսքով՝ խմբի վերջնական լուծարումը նախատեսված է 2025 թվականի դեկտեմբերին։ Մասնավորապես, նախատեսվում է ավարտել երեք ինստիտուտների՝ Մինսկի խմբի, ԵԱՀԿ գործող նախագահի անձնական ներկայացուցչի պաշտոնի և բարձր մակարդակի պլանավորման խմբի աշխատանքները։
«Հաշվի առնելով կողմերի դիրքորոշումը դրանց պահպանման աննպատակահարմարության վերաբերյալ, մենք որևէ պատճառ չենք տեսնում դրանց լուծարումը կանխելու համար», - ասել է դիվանագետը։