Բաժանորդագրվեք araratnews-ի տելեգրամ ալիքին։
Աֆղանստանի գերագույն առաջնորդ Հայբաթուլլահ Ախունդզադան վերջնական որոշում է կայացրել արգելել օպտիկամանրաթելային ինտերնետը և Wi-Fi-ը ամբողջ երկրում։ Այս մասին հայտնել է Afghanistan International (AI)-ը՝ հղում անելով իր աղբյուրներին։
Ըստ հրապարակման՝ չորեքշաբթի օրվա դրությամբ ինտերնետային ծառայությունը անհասանելի է Աֆղանստանի 34 նահանգներից 10-ում։
Նշվում է, որ Քաբուլից Գերագույն առաջնորդի հետ հանդիպելու համար ժամանած կառավարական պատվիրակության միջև բանակցությունները անարդյունք են ավարտվել։
Աղբյուրները հայտնում են, որ Ախունդզադան հրամայել է ստեղծել նոր ընկերություն, որը ինտերնետ կապահովի բացառապես կառավարական գործակալություններին և դիվանագիտական առաքելություններին։
Սեպտեմբերի 16-ին հաղորդվել էր, որ Գերագույն առաջնորդը արգելել է Wi-Fi-ը նահանգներից մեկում՝ «անբարոյականությունը կանխելու» համար:
Սա առաջին նման արգելքն է այն բանից հետո, երբ «Թալիբանը» եկավ իշխանության 2021 թվականի օգոստոսին: