Բաժանորդագրվեք araratnews-ի տելեգրամ ալիքին։
Ռուսաստանի յուրաքանչյուր հարյուրերորդ քաղաքացին վարակված է ՄԻԱՎ-ով։
Այս մասին հայտնել է Ռոսպոտրեբնադզորի համաճարակաբանության կենտրոնական հետազոտական ինստիտուտի ՄԻԱՎ-ի կանխարգելման և վերահսկման մասնագիտացված հետազոտական բաժնի ղեկավար, Ռուսաստանի գիտությունների ակադեմիայի ակադեմիկոս Վադիմ Պոկրովսկին։
Նա հայտնել է, որ Ռուսաստանում ներկայումս կա ՄԻԱՎ-ով վարակված մոտ 1,25 միլիոն մարդ։ Նրանք ունեն ՄԻԱՎ-ի հակամարմիններ, ինչը համարվում է վարակի հուսալի ցուցանիշ։
Գիտնականը նշել է, որ 40-45 տարեկան տղամարդկանց շրջանում վարակված է 4%-ը, ինչը նշանակում է, որ յուրաքանչյուր 25 տղամարդուց մեկը վարակված է։
Գիտնականը ընդգծեց, որ ՄԻԱՎ-ի հետ կապված իրավիճակը չափազանց լուրջ է ոչ միայն Ռուսաստանում, այլև ամբողջ աշխարհում։