Տոնական օրերին համեղ ու բազմազան ուտեստների կողքով դժվար է անտարբեր անցնել:

Սակայն «լավ ախոժակը» երբեմն տհաճ հետևանքներ է թողնում՝ մարսողության խանագարում, վքնածություն, քաշի ավելացում և այլն: Այսօրինակ խնդիրներից խուսափելու համար անհրաժեշտ է սննդակարգի վերահսկողություն սահմանել ու հնարավորինս հաճախ օգտվել միրգ-բանաջարեղններից՝ խուսափելով ծանարմարս, մսային կամ խորտկային ուտեստներից:

Թարմ մրգեր

Մրգերը սննդի կարևոր բաղադրիչն են, որոնք պարունակում են չլուծվող բջջանյութ, որը կղանքում ծավալ է ստեղծում, եւ որի շնորհիվ աղիների մկանները ավելի լավ են հեռացնում կղանքը: Ուստի կարծիք կա, որ թարմ մրգերի կանոնավոր գործածումը կարող է օգնել կանխել փորկապությունը: Խորհուրդ է տրվում ամեն օր ուտել մրգերի ոչ պակաս 5 չափաբաժին:

Բանջարեղեն

Ուտելի կեղեւով բանջարեղենը (գազար, վարունգ, կարտոֆիլ, լոբի, ընդեղեն եւ այլն) հարուստ է բջջանյութով: Խորհուրդ է տրվում այդպիսի մթերքն ուտել հում վիճակում կեղեւով:

Մարսողության համար անչափ օգտակար է նաեւ կանաչ թերթերով բանջարեղենը (սպանախ, կաղամբ, հազար, բրոկոլի). այն նույնպես բջջանյութի եւ այլ սննդարար նյութերի հոյակապ աղբյուր է, ինչի շնորհիվ օգնում է բարելավել աղիների առողջությունը եւ մարսողությունը:

Պրոբիոտիկներ

Յոգուրտը եւ կեֆիրը ֆերմենտացված մթերքներ են՝ հարուստ պրոբիոտիկներ կոչվող կենսունակ միկրոօրգանիզմներով: Համանման մթերքները բարերար ազդեցություն ունեն աղիների եւ դրա աշխատանքի վրա:

Հատիկավոր մթերքներ

Հատիկավոր մթերքների կանոնավոր գործածումը նույնպես բարելավում է մարսողությունը եւ օգտակար է աղիների առողջության համար: Հատիկները երկու կարեւոր բաղադրիչ ունեն՝ թեփ եւ սաղմ, որոնց մեջ է հենց պարունակվում բջջանյութի, վիտամինների եւ հանքանյութերի մեծ մասը, որոնք աջակցում են մարսողությանը:

Բուսական յուղ

Բուսական յուղերը, ինչպես՝ ձիթապտղի, կոկոսի եւ նշի, համարվում են չհագեցած ճարպերի հրաշալի աղբյուր, որոնք օրգանիզմին օգնում են ավելի լավ յուրացնել վիտամինները: Դրանք նաեւ գործում են բջջանյութի հետ՝ կարգավորելով արտաթորումը:

628