Թուրքիայի Բարտընի նահանգապետ Սինան Գյուները հայտնել է, որ Թուրքիայի ափերի մոտ խորտակված Arvin բեռնանավի անձնակազմի 13 անդամները Ուկրաինայի քաղաքացիներ են, այլ ոչ թե Ռուսաստանի, ինչպես ավելի վաղ հաղորդվել էր:

«Խորտակված բեռնանավը Պալաու դրոշի ներքո էր նավարկում, դրա անձնակազմի 13 անդամները Ուկրաինայի քաղաքացիներ են»,- Գյուների խոսքը մեջբերում է NTV հեռուստաալիքը:

Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ն, նա հավելել է, որ անձնակազմի եւս երկու անդամներ ողջ են հայտնաբերվել, նրանց փորձում են հասնել փրկարարները:

Ավելի վաղ Գյուները հայտարարել էր, որ Ինկումի շրջանում խորտակվել է ռուսական բեռնանավ, փրկարարական գործողություն է սկսվել անձնակազմի 15 անդամների փրկության համար, որոնք գտնվում են երեք փրկարարական նավակներում:

Վերջին տվյալներով ՝ փրկվել է վեց նավաստի, եւս երկուսը՝ զոհվել։

359