Բաժանորդագրվեք araratnews-ի տելեգրամ ալիքին։
Գերմանիայի նախկին կանցլեր Անգելա Մերկելը (2005-2021) նշել է, որ ԱՄՆ նախագահ Դոնալդ Թրամփի հետ դժվարին հարաբերություններում պետք է գտնել ընդհանուր լեզու, իսկ հակառակ դեպքում՝ «պետք է դիրքավորվել առանց վախի կամ երկչոտության»։
«Չփորձել չափազանց հաճելի լինել, ամեն դեպքում ես երբեք պատրանքներ չեմ ունեցել դրա վերաբերյալ, նույնիսկ երբ ամեն ինչ լավ էր ընթանում, բայց նաև չփորձել չափազանց սադրիչ լինել։ Ես միշտ հետևել եմ այդ կանոնին», - ասել է Մերկելը Focus ամսագրին տված հարցազրույցում։
Միևնույն ժամանակ, նա զգուշացրել է, որ չպետք է ամերիկացի առաջնորդին թերագնահատել։ «Նման պաշտոն զբաղեցնող ով էլ որ լինի, ունի անհավանական իշխանություն։ Եվ այդ պատճառով էլ սա պետք է շատ, շատ լուրջ ընդունել», - հայտարարել է Գերմանիայի նախկին կանցլերը։