Բաժանորդագրվեք araratnews-ի  տելեգրամ ալիքին։

Հայաստանի ազգային հավաքականի կիսապաշտպան Դավիդ Դավիդյանը համալրել է Տուլայի «Արսենալի» շարքերը։ Այս մասին հայտնում է ակումբի մամուլի ծառայությունը։

28-ամյա խաղացողը իր կարիերայի ընթացքում հանդես է եկել «Արարատի», «Ալաշկերտի», «Խիմկիի» և «Փյունիկի» կազմերում՝ երեք անգամ հռչակվելով Հայաստանի չեմպիոն։

Նախորդ մրցաշրջանը Դավիդյանն անցկացրել է Վոլգոգրադի «Ռոտորի» կազմում։ Կիսապաշտպանը նաև հանդիպումներ է անցկացրել Հայաստանի ազգային ընտրանու կազմում։

Տուլայի «Արսենալը» հանդես է գալիս Ռուսաստանի Առաջին լիգայում։ Թիմի գլխավոր մարզչի պաշտոնը զբաղեցնում է «Նոայի», «Արարատ-Արմենիայի» և «Ուրարտուի» նախկին գլխավոր մարզիչ Դմիտրի Գունկոն։