Բաժանորդագրվեք araratnews-ի տելեգրամ ալիքին։
Բելգիայի վարչապետ Բարտ Դե Վևերը կարծում է, որ ԱՄՆ ֆուտբոլի ազգային հավաքականի պարտությունը Բելգիայի թիմից ծանր հարված է Միացյալ Նահանգների նախագահ Դոնալդ Թրամփի համար։
«Նախագահը հայտնի է որպես մարդ, որը երբեմն բարկացած է արձագանքում իրեն դուր չեկող բաներին, և կարծում եմ, որ այս պարտությունը նրա համար ծանր հարված է»,- «Politico» պարբերականը մեջբերում է վարչապետի խոսքերը։
Միևնույն ժամանակ, Դե Վևերը նշել է, որ մտադիր չէ առաջինը այդ թեմայով կատակել կամ ծաղրել Թրամփին։ «Ես ինքս այդ թեման չեմ բարձրացնի։ Բայց եթե նա դրա մասին որևէ բան ասի, ապա կտեսնեմ, թե ինչ է ասել, և ըստ այդմ՝ կարձագանքեմ»,- ասել է նա։
Դե Վևերը նաև նշել է, որ Անկարայում անցկացվող ՆԱՏՕ-ի գագաթնաժողովի շրջանակում «բոլորը խոսում են միայն մեկ բանի մասին՝ «Կարմիր սատանաների» (Բելգիայի հավաքականի մականունը) արժանի հաղթանակի մասին և դրա կապակցությամբ շնորհավորանքների»։
Հիշեցնենք, որ հուլիսի 7-ին Բելգիայի հավաքականը 4։1 հաշվով հաղթեց ԱՄՆ-ի ընտրանուն և դուրս եկավ աշխարհի առաջնության քառորդ եզրափակիչ։