Ինչպես ավելի վաղ հաղորդել էինք, հունվարի 27-ին Ռուսաստանի, Հայաստանի եւ Ադրբեջանի փոխվարչապետերը մտադիր են հանդիպել Մոսկվայում՝ քննարկելու Հարավային Կովկասում տրանսպորտային կապերի կառուցումը:
Փոխվարչապետերը պետք է քննարկեն միանգամից մի քանի հնարավոր նախագծեր, մասնավորապես՝ Հայաստանի տարածքով երկաթուղու կառուցում, որը միացնելու է Ադրբեջանն ու Նախիջևանը, ինչպես նաև Հայաստանն ու Ռուսաստանը: Ներկայումս Ադրբեջանը Նախիջևանի հետ կապի համար ունի միայն օդային հաղորդակցություն: Բաքուն, ի թիվս այլ բաների, կցանկանար հասնել այնտեղ ավտոմայրուղու կառուցմանը, ՌԲԿ-ին հայտնել է Ռուսաստանի դիվանագիտական աղբյուրը: Փոխարենը Հայաստանը պետք է երկաթուղային կապ ստանա Ռուսաստանի հետ:
Բացի այդ, փոխվարչապետերը կքննարկեն Նախիջեւանի միջոցով երկաթուղային ճանապարհով Հայաստանն ու Իրանը կապելու առաջարկը:
Հունվարի 11-ին կայացած հանդիպմանը Ռուսաստանի, Հայաստանի և Ադրբեջանի ղեկավարները պայմանավորվել էին, որ աշխատանքային խումբը պետք է ներկայացնի նախագծերի ցուցակ և ժամանակացույց մինչև մարտի 1-ը:
Ադրբեջանն արդեն սկսել է իր տարածքում երկաթուղու հատվածի շինարարությունը: Դեկտեմբերի վերջին Իլհամ Ալիեւն ասում էր, որ երկրին առավելագույնը երկու տարի կպահանջվի Հորադիզից մինչեւ Զանգելան, Հայաստանի հետ սահմանը կառուցելու համար: