Բաժանորդագրվեք araratnews-ի տելեգրամ ալիքին։
ԱՄՆ-ը հարվածներ կհասցնի Օմանին, եթե վերջինս «կանգնի ճանապարհին», հայտարարել է ԱՄՆ նախագահ Դոնալդ Թրամփը՝ պատասխանելով Հորմուզի նեղուցի վերահսկողության շուրջ Մասկատի և Թեհրանի բանակցությունների մասին հարցին։
Fox News-ի գլխավոր միջազգային թղթակից Տրեյ Յինգըստը հայտնել է, որ հեռախոսով զրուցել է ԱՄՆ նախագահի հետ և հարցրել նրան Հորմուզի նեղուցի շուրջ Իրանի և Օմանի բանակցությունների մասին։
«Եթե Օմանը կանգնի ճանապարհին, մենք կռմբակոծենք նրանց», - մեջբերել է լրագրողը Թրամփին: Ընդ որում, ԱՄՆ առաջնորդը չի հստակեցրել, թե կոնկրետ ինչ հանգամանքներում է Վաշինգտոնը պատրաստ հարվածներ հասցնել։
Նույն զրույցում Թրամփը հայտարարել է, որ Իրանը պետք է բարձրացնի կապիտուլյացիայի սպիտակ դրոշը: Ընդ որում, ԱՄՆ նախագահը նշել է, որ որևէ ժամկետներ չի սահմանում և չի շտապում։