Բաժանորդագրվեք araratnews-ի տելեգրամ ալիքին։
ԿԳՄՍ նախարարությունից հայտնում են․
Սեպտեմբերի 20-ին Գյումրու Թատերական հրապարակում կհնչի «Անկախության սիմֆոնիան»՝ նվիրված Հայաստանի Հանրապետության Անկախության 35-րդ տարեդարձին։
ՀՀ Կառավարության աջակցությամբ իրականացվող տոնական համերգին Հայաստանի ազգային ֆիլհարմոնիկ նվագախմբին կմիանան Հովհաննես Չեքիջյանի անվան Հայաստանի ազգային ակադեմիական երգչախումբը և մենակատարներ Լիպարիտ Ավետիսյանը, Նավասարդ Հակոբյանը, Մաշա Մնջոյանը, Սրբուկը և Գոռ Սուջյանը։ Հատուկ ծրագրում կհնչեն հայ կոմպոզիտորների հայտնի ու սիրված ստեղծագործությունները։
Գեղարվեստական ղեկավար և գլխավոր դիրիժոր՝ Էդուարդ Թոփչյան։
Սեպտեմբերի 20 19:30 Գյումրի, Թատերական հրապարակ
Եկե՛ք միասին տոնենք մեր հարատև պետության տարեդարձը։
Անկախություն՝ հարատև պետություն