Բաժանորդագրվեք araratnews-ի տելեգրամ ալիքին։
Ռուսաստանի և Ուկրաինայի միջև հնարավոր «էներգետիկ զինադադարի» շուրջ շփումները շարունակվում են, թեև առայժմ որևէ նոր պայմանավորվածության մասին չի հայտարարվել։ Այս մասին լրագրողների հարցերին ի պատասխան հայտնել է Ռուսաստանի նախագահի մամուլի քարտուղար Դմիտրի Պեսկովը։
Կրեմլի ներկայացուցչի խոսքով՝ վերջին 24 ժամվա ընթացքում նախաձեռնության քննարկման հարցում փոփոխություններ չեն եղել։ Ռուսական կողմը շարունակում է բանակցությունները, սակայն արդյունքների վերաբերյալ լրացուցիչ տեղեկություններ առայժմ չկան։
«Մենք երեկ քննարկել ենք ձեզ հետ այս թեման, և առայժմ ավելացնելու ոչինչ չունեմ երեկվա զրույցին։ Այդ հարցի շուրջ շփումները շարունակվում են»,- ասել է Պեսկովը։
Ավելի վաղ ԱՄՆ նախագահ Դոնալդ Թրամփը հայտարարել էր, թե Մոսկվան և Կիևը իբր պայմանավորվածություն են ձեռք բերել՝ դադարեցնելու էներգետիկ ենթակառուցվածքների ուղղությամբ փոխադարձ հարվածները։