Կառավարության այսօրվա նիստի զեկուցվող հարցերից մեկը գիտության բնագավառին հատկացվող ֆինանսական միջոցների ավելացման մասին էր:

ԿԳՄՍ փոխնախարար Ժաննա Անդրեասյանը ներկայացրեց ծախսերի առաջնահերթությունները, իսկ վարչապետ Փաշինյանն էլ ասաց, որ գիտության ֆինանսավորման բարձրացումը իրենց կառավարության օրակարգում է եղել և կա:

Փոխվարչապետ Ավինյանն ասաց, որ գիտության նկատմամբ գրավչությունը ավելացնելու համար աստիճանական բազային աշխատավարձի վերանայման նախագիծ է մշակվում. «2022-25 թթ. էականորեն փոփոխվելու են բազային աշխատավարձների դրույթները: Ասպիրանտից սկսած մինչև ինստիտուտի ղեկավար բոլոր մակարդակներում վերանայվելու են աշխատավարձները»,- հավելեց Ավինյանը:

Փոխվարչապետի խոսքով` աշխատավարձի վերանայմամբ կկարողանան գրավչությունը ավելացնել։ Նա հույս հայտնեց, որ երիտասարդները ավելի շատ կներգրավվեն գիտության գործում` այսպիսով հնարավորություն են ունենալու գիտությամբ զբաղվելով ապրել ու արարել:

Կառավարությունը միաձայն ընդունվեց որոշումը:

08 Ապրիլ, 2021 11:27
164
; ;