Կյանքի 76-րդ տարում մահացել է Ռուսաստանի ժողովրդական արտիստ, գիշատիչներ վարժեցնող Միխայիլ Բաղդասարովը, հայտնում է m24.ru -ն։ Նշվում է, որ մահվան պատճառ է դարձել կորոնավիրուսը։

Բաղդասարովը ծնվել է 1945 թվականի մայիսի 23-ին Բաքվում։ 16 տարեկանում նա կրկես է ընդունվել։ Դրանից հետո 9 տարի աշխատել է վարժեցնող Մարգարիտա Նազարովայի խմբում։

1973 թվականին Բաղդասարովը սկսել է հանդես գալ ինքնուրույն ծրագրով։ Նա աշխատել է առյուծների, վագրերի, հովազների, յագուարների, ընձառյուծների և կատվառյուծների հետ։ Նա նաեւ ղեկավարել է 1991 թվականին ստեղծված «Վագրեր-շոու» ատրակցիոնը՝ 18 ուսուրական վագրերով:

1997 թվականին Միխայիլ Բաղդասարովը ստացել է Ռուսաստանի ժողովրդական արտիստի պատվավոր կոչում:

04 Մայիս, 2021 13:44
1062
; ;