Պուշկին և Սարյան փողոցների խաչմերուկում բռնկված հրդեհը մարվել է

Ճգնաժամային կառավարման ազգային կենտրոնը մայիսի 18-ին ժամը 17:04-ին ահազանգ է ստացել, որ Երևանի Պուշկին և Սարյան փողոցների խաչմերուկում՝ եռահարկ շենքի տանիքում, հրդեհ է բռնկվել։

Ինչպես տեղեկացնում են ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ, Ճգնաժամային կառավարման ազգային կենտրոնի և Հրդեհաշիջման և փրկարարական աշխատանքների կազմակերպման բաժնի օպերատիվ խմբերը։

Հայտարարվել է հրդեհի բարդության «1 ԲԻՍ» կանչ․ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս երկու մարտական հաշվարկ և մեկ ավտոսանդուղք։

Ըստ աղբյուրի՝ փրկարարներն իրականացրել են տարահանման աշխատանքներ։ Տուժածներ չկան։

Հրդեհը մեկուսացվել է ժամը 18։52-ին, մարվել՝ 19։29-ին։ Այրվել են շենքի տանիքի փայտե կառուցատարրերը (մոտ 250 քմ):

19 Մայիս, 2021 00:20

1746

Անտառային հրդեհների կանխարգելման համար անհրաժեշտ են միասնական ջանքեր. կայացել է միջգերատեսչական խմբի նիստը

18 Ապրիլ, 2025 21:43

Երևանում «Opel Astra»-ում հրդեհ է բռնկվել, վարորդը տեղափոխվել է Այրվածքաբանության ազգային կենտրոն

16 Ապրիլ, 2025 22:02

Էջմիածնում վագոն-տնակ է այրվել

16 Ապրիլ, 2025 16:13

Կասկադին հարակից տարածքի կրպակն ապամոնտաժվել է․ քաղաքապետարան

19 Ապրիլ, 2025 00:01