Այսօր՝ հունիսի 4-ին, Հանրապետության դպրոցներում կհնչի «Վերջին զանգը»։

Այս տարի ավարտական դասարաններում կազմակերպվող «Վերջին դաս» միջոցառումը բացօթյա կլինի: Կրթության, գիտության, մշակույթի և սպորտի նախարարությունից հայտնել են, որ համավարակով պայմանավորված՝ «Վերջին դաս» միջոցառումը կազմակերպելիս պետք է պահպանել հակահամաճարակային բոլոր կանոնները:

Ավելի վաղ ՀՀ կրթության, գիտության, մշակույթի և սպորտի նախարարությունը դիմել էր Երևանի քաղաքապետարանին և ՀՀ մարզպետարաններին՝ առաջարկելով հանձնարարել իրենց ենթակա ուսումնական հաստատություններին միջոցառման մասնակիցների թիվը հնարավորինս սահմանափակել՝ պահպանելով ՀՀ առողջապահության նախարարի 2020 թվականի սեպտեմբերի 18-ի N 24-Ն հրամանի պահանջները:

Նախարարությունը կոչ էր արել նաև բացառել որևէ դրամահավաք։

 

1567