ՇՊՀ ՈՒԽ նախագահ Գևորգ Ղուկասյանի հայտարարությունը.
«Տեղեկություններ ունեմ, որ Խորհրդարանական ընտրություններին ընդառաջ ՇՊՀ-ի որոշ ամբիոնների վարիչներ, դասախոսներ և վարչական աշխատողներ իրականացնում են ուսանողների «վեռբովկա» և ուսանողների անձնական տվյալների ապօրինի հավաքագրում։
Անհայտ ամերիկյան դիտորդական կազմակերպության անվան տակ, որի շրջանակներում ուսանողը իբր թե դիտորդական առաքելություն է իրականացնելու ընտրությունների օրը, ուսանողներին խոստանում են 35-50.000 ՀՀ դրամ, փոխարենը` ուսանողը պետք է լուսանկարի իր անձնագիրը և ուղարկի համապատասխան ամբիոնի վարիչին վայբեռ հավելվածով։
Զգուշացնում ենք, որ նմանատիպ վարքագիծը ստանալու է իրավական ընթացք և արժանանալու է իրավական խստագույն գնահատականի՝ հասկանալի բոլորի համար։ Հավաքե՛ք ձեզ բուհից։
Հրավիրում եմ իրավապահ համակարգի, կրթության լիազոր մարմնի և համալսարանի ղեկավարության ուշադրությունը այս լրջագույն խնդրի շուրջ։
Մեր ուսանողներին խնդրում ենք անհապաղ կապ հաստատել մեզ հետ նմանատիպ դեպքերում։
Մենք հետևողական ենք լինելու և գնալու ենք մինչև վերջ։ Հեռու մնացեք ուսանողներից, հեռու՛։
Վերջ»։