Ամերիկյան Լուիզիանա նահանգից տղան սպանել է զինված կողոպտչին՝ հանուն մոր փրկության։ Այս մասին հայտնում է New York Post-ը։

Միջադեպը տեղի է ունեցել հունիսի 30-ի առավոտյան՝ Քլինթոն քաղաքից ոչ հեռու։ Տեղի Շերիֆը հայտնել է, որ 32-ամյա Բրեդ Լեբլանը մոտեցել է կնոջը իր տան մոտ եւ ատրճանակով սպառնալով՝ ներս է հրել նրան։ Այնտեղ նրանց միջեւ պայքար է սկսվել։

12-ամյա որդին շտապել է մորն օգնելու եւ ընտանիքին պատկանող որսորդական հրացանից կրակել է Լեբլանի վրա։ Չարագործը ծանր վնասվածք է ստացել եւ մահացել հիվանդանոցում։

Լեբլանի երկու հանցակիցները, որոնք նույնպես գտնվում էին տան տարածքում, փախուստի են դիմել, սակայն ավելի ուշ ձերբակալվել են ոստիկանության կողմից:

Դատախազությունը դեռահասին սպանության մեղադրանք չի ներկայացրել։

2354