Թալիբները Աֆղանստանի հյուսիս-արևելքում գտնվող Բաղլան նահանգում սպանել են ժողովրդական երաժշտության կատարողին, այս մասին հայտնել է «ՌԻԱ Նովոստին»:
Գործակալության զրուցակիցը պնդում է, որ գրոհայինները հայտնի երգիչ Ֆավադ Անդարաբիին վտարել են Անդարաբ շրջանում գտնվող իր տնից, այնուհետ սպանել են նրան:
Երաժշտի մահվան մասին հայտնել է նաեւ Աֆղանստանի ներքին գործերի նախկին նախարար Մասուդ Անդարաբին:
«Թալիբանի դաժանությունները շարունակվում են Անդարաբում: Նրանք սպանել են ժողովրդական երաժշտության կատարող Ֆավադ Անդարաբիին, ով պարզապես ուրախություն էր պարգևում հովիտին և նրա բնակիչներին: Ինչպես էր նա երգում «մեր գեղեցիկ հովիտը … մեր նախնիների երկիրը … », եւ այն թալիբների դաժանությանը երբեք չի ենթարկվի»,-գրել է նա Twitter- ում:
Բաղլան նահանգում երեկ զինված բախումներ են տեղի ունեցել դիմադրության ուժերի եւ թալիբների միջեւ: Դիմադրության ուժերին հաջողվել է «Թալիբան» շարժման զինյալներից հետ գրավել երեք շրջան, իսկ տասնյակ գրոհայիններ սպանվել ու վիրավորվել են: Բայց երկու օր անց թալիբները հայտարարեցին, որ վերականգնել են նահանգի վերահսկողությունը:
Հիշեցնենք, որ թալիբներն օգոստոսի 15-ին հայտարարեցին Աֆղանստանի ողջ տարածքի վրա վերահսկողություն սահմանելու մասին: Մինչ օրս արմատական շարժման կողմից չվերահսկվող միակ նահանգը Փանջշիրն է, որը գտնվում է երկրի մայրաքաղաքից հյուսիս-արևելք: