Ռուսաստնի ընդդիմադիր գործիչ Ալեքսեյ Նավալնին լիարժեք գիտակցության է եկել։ Այս մասին հայտնում են միջազգային լրատվամիջոցները:

 

 

Նա արդեն կարող է խոսել և հիշել է օդանավում՝ մինչև գիտակցությունը կորցնելը տեղի ունեցածի մանրամասները։

 

Գերմանական պարբերականի փոխանցմամբ`   Բեռլինի «Շարիտե» կլինիկայում գտնվող  Նավալնու հսկողությունը իրավապահներն ուժեղացրել են`  նոր հարձակման վտանգի պատճառով: 

 

«Բեռլինի ոստիկանությունը ցանկանում է կանխել պացիենտի սպանության հետագա փորձը։ Եթե Նավալնու վիճակը շարունակի բարելավվել, կարող են նրա մոտ այցելուների թողնել։ Նա կրկին կարողանում է խոսել և հիշում է Մոսկվա ուղևորվող օդանավում տեղի ունեցածի մանրամասները։ Նրա հայտարարությունները կարող են վտանգավոր լինել հարձակման հետևում կանգնածների համար»,- գրել է գերմանական պարբերականը։

 

 

Հիշեցնենք, որ սեպտեմբերի 7-ին գերմանական «Շարիտե» կլինիկայի բժիշկներին հաջողվել է արհեստական կոմայից դուրս բերել Ալեքսեյ Նավալնուն։ Պացիենտի առողջական վիճակը զգալիորեն բարելավվել է։

 

10 Սեպտեմբեր, 2020 12:17
119