Հայաստանի ազգային նվագարանների պետական նվագախումբը և «Հորովել» երգի-պարի պետական անսամբլը հանդես կգան Վանաձորում
Հոկտեմբերի 8-ին, ժամը 18։30-ին Վանաձորի Շառլ Ազնավուրի անվան մշակույթի պալատում տեղի կունենա Հայաստանի ազգային նվագարանների պետական նվագախմբի և «Հորովել» երգի-պարի պետական անսամբլի համատեղ համերգը։ Երեկոյի ընթացքում վանաձորցի հանդիսատեսը ականատես կլինի ազգային երգի ու պարի տոնի։
Նշենք, որ նվագախմբի գեղարվեստական ղեկավարը և գլխավոր դիրիժորը ՀՀ վաստակավոր արտիստ, պրոֆեսոր Նորայր Դավթյանն է, իսկ անսամբլի գեղարվեստական ղեկավարը և մեներգիչը՝ Արմեն Ներսիսյանը։
Երեկոյին որպես մեներգիչներ հանդես կգան Արփինե Մամյանը, Սուսաննա Ջաղինյանը և ՀՀ վաստակավոր արտիստ Ստեփան Դալլաքյանը։
1213