ՆԱՏՕ-ն իր մշակվող ռազմավարության մեջ կներառի նոր մարտահրավեր։

Չինաստանի կարողությունների զարգացման մարտահրավերները և դրանց հակազդեցությունը կներառվեն ՆԱՏՕ-ի նոր ռազմավարական հայեցակարգում: Այս մասին հայտարարել է դաշինքի գլխավոր քարտուղար Յենս Ստոլտենբերգը։

Նրա խոսքով՝ Չինաստանի աճի հետևանքով առաջացած անվտանգության սպառնալիքը կդառնա ՆԱՏՕ-ի ապագա հայեցակարգի կարևոր մաս:

«ՆԱՏՕ-ն Հյուսիսային Ամերիկայի և Եվրոպայի ընդհանուր դաշինքն է: Եվ այս տարածաշրջանը կանգնած է գլոբալ մարտահրավերների առջև՝ ահաբեկչություն, կիբերտարածություն, այժմ նաև Չինաստանի վերելք: Այսպիսով, երբ խոսքը վերաբերում է մեր հավաքական պաշտպանության ամրապնդմանը, դա նաև այն մասին է, թե ինչպես վարվել Չինաստանի վերելքի դեմ»,- ասել է Ստոլտենբերգը:

Նրա խոսքով՝ Չինաստանն արդեն ազդում է ՆԱՏՕ-ի երկրների անվտանգության վրա:

«Չինաստանը մոտենում է մեզ: Մենք նրանց տեսնում ենք Արկտիկայում: Մենք նրանց տեսնում ենք կիբերտարածքում: Մենք տեսնում ենք, որ նրանք մեծ ներդրումներ են կատարում մեր երկրների կարևոր ենթակառուցվածքներում: Եվ, իհարկե, նրանք ունեն ավելի ու ավելի հեռահար զենքեր, որոնք կարող են հարվածել ՆԱՏՕ-ի բոլոր դաշնակիցներին: Նրանք շատ մեծ թվով սիլոսներ են կառուցում հեռահար միջմայրցամաքային հրթիռների համար»,- հավելել է ՆԱՏՕ-ի գլխավոր քարտուղարը:

326