Չինաստանը ողջունում է այն ջանքերը, որոնք Ռուսաստանը գործադրում է Ղարաբաղում խաղաղության և կայունության պահպանման համար։ Այս մասին ճեպազրույցում ասել է ՉԺՀ ԱԳՆ ներկայացուցիչ Ժաո Լիջյանը՝ մեկնաբանելով Սոչիում Ռուսաստանի, Ադրբեջանի և Հայաստանի ղեկավարների եռակողմ հանդիպումը։ Նա հույս է հայտնել, որ Բաքուն և Երևանը կգնան դեպի մեկը մյուսին և կհարթեն տարաձայնությունները:

Չինաստանի ԱԳՆ ներկայացուցիչն ընդգծել է, որ Ադրբեջանն ու Հայաստանը ՉԺՀ-ի բարեկամ գործընկերներն են։

«Չինաստանը անկեղծորեն հույս ունի, որ երկու կողմերը կհանդիպեն միմյանց կես ճանապարհին, կլուծեն տարաձայնությունները երկխոսության և խորհրդակցության միջոցով և միասին կպահպանեն տարածաշրջանային խաղաղությունն ու կայունությունը»,- ասել է նա։

267