Կառավարությունը 175 միլիոն դրամի օժանդակություն է տրամադրել Սյունիքի հյուրանոցներին

Այսօր ՀՀ էկոնոմիկայի նախարար Վահան Քերոբյանը ԱԺ-Կառավարություն հարցուպատասխանի ընթացքում անդրադարձավ Սյունիքի մարզում հյուրանոցների աշխատանքի վրա պատերազմի հետևանքներին և այս հարցում Կառավարության աջակցությանը:

Այս տարվա ընթացքում Սյունիքի հյուրանոցներում և հյուրատներում զբաղվածությունը բավարար չի եղել և Կառավարությունը որոշել է լրացուցիչ օժանդակություն տրամադրել ոլորտի տնտեսվարողներին: Այս մասին ասաց Էկոնոմիկայի նախարար Վահան Քերոբյանը՝ պատասխանելով «Քաղաքացիական պայմանագիր» խմբակցության պատգամավոր Արմեն Խաչատրյանի հարցին, թե վերջին շրջանում ինչպիսի՞ փոխհատուցումներ և օգնություն է տրվել Սյունիքի մարզի հյուրանոցներին և հյուրատներին և որքա՞ն է այդ փոխհատուցումների ծավալը։

«Սյունիքում գտնվող հյուրանոցներն առանձնակի են տուժել կորոնավիրուսից և պատերազմի շոկերից: Քանի որ նաև անվտանգային որոշակի դժվարություններ կային, Սյունիքի հյուրանոցներում զբաղվածությունն այս տարի ևս բավարար չի եղել: Կառավարությունը որոշեց լրացուցիչ օժանդակություն տրամադրել Սյունիքի հյուրանոցներին: Օժանդակության չափը կազմում է 175 միլիոն դրամ: Անհրաժեշտության դեպքում պատրաստ ենք լրացուցիչ օժանդակություն տրամադրել»,- ասաց Քերոբյանը:

Նախարարը նշեց նաև, որ Կառավարությունը միտված է նրան, որ գյուղացիական տնտեսությունների եկամուտներն ավելանան առաջին հերթին արտադրողականության աճի հաշվին:

19 Հունվար, 2022 21:40

935

Կառավարությունը սահմանեց թեմատիկ հարկային ստուգումների մեթոդաբանությունը և ռիսկայնությունը

28 Մարտ, 2024 16:36

ՌԴ կառավարությունը հավանություն է տվել Կապանում գլխավոր հյուպատոսություն բացելու մասին համաձայնագրին

03 Նոյեմբեր, 2023 02:48

Կառավարությունը շարունակում է հանրապետության ճանապարհների բարելավման աշխատանքների ապահովումը

02 Նոյեմբեր, 2023 23:35

Բնությանը պատճառվել է 175 մլն դրամի վնաս․ ԲԸՏՄ

07 Հունիս, 2022 20:58

ԱԳՆ հայտարարությունը` Կազանի թիվ 175 դպրոցում տեղի ունեցած ողբերգական միջադեպի առնչությամբ

11 Մայիս, 2021 19:43