Կրեմլի՝ արևմտյան ֆինանսական համակարգից մեկուսացումն հաղթահարելու հույսերը, որոնք կապված էին Չինաստանի օգնության հետ, կարծես թե անհետանում են։
Չինաստանի երկու խոշորագույն պետական բանկերը դադարեցրել են Ռուսաստանի Դաշնությունում ապրանքների գնման գործարքների սպասարկումը։ Այս մասին հայտնում է Bloomberg-ը՝ հղում անելով իրավիճակին ծանոթ աղբյուրներին։
Չինաստանի արդյունաբերական և առևտրային բանկի (ICBC) օֆշորային ստորաբաժանումները, հետևելով արևմտյան բանկերին, դադարեցրել են ակրեդիտիվներ տրամադրել Ռուսաստանին, որպեսզի ծածկի ռուսաստանյան ապրանք արտահանողների հետ գործարքները: Բանկն ամբողջությամբ դադարեցրել է դոլարով առաքումները, սակայն որոշ դեպքերում յուանով գործարքների համար ակրեդիտիվներ է թողարկում։ Յուրաքանչյուր նման որոշում պահանջում է բարձրագույն ղեկավարության հաստատումը:
Չինաստանի բանկը նաև սահմանափակել է ռուսական հումքի գնումների ֆինանսավորումը՝ սեփական ռիսկերի կառավարման որոշմամբ։ Ըստ Bloomberg-ի աղբյուրների՝ բանկը սպասում է ազգային կարգավորող մարմնի մանրամասն առաջարկություններին:
Նախկինում չինական խոշորագույն բանկերը ենթարկվել են պատժամիջոցներին Իրանի, Հյուսիսային Կորեայի և նույնիսկ Հոնկոնգի պաշտոնյաների դեմ։ Նշվում է, որ նրանք վախենում են ընկնել ԱՄՆ ֆինանսների նախարարության երկրորդական միջոցների տակ:
«Չինական ֆինանսական հաստատությունները լրջորեն են վերաբերվում պատժամիջոցների պահպանմանը»,- ասում է Բեն Կոստերզևան՝ Hogan Lovells-ի խորհրդատուն Հոնկոնգում: «Նրանք չեն ցանկանում իրենց նկատմամբ պատժամիջոցներ կիրառվեն, և զրկվեն դոլարով գործարքներից»: