Անգլիական «Լիվերպուլը» երկարաձգել է պայմանագիրը գլխավոր մարզիչ Յուրգեն Կլոպի հետ, հայտնում է ֆուտբոլային ակումբի կայքը։

Ակումբը չի հայտնում պայմանագրի մանրամասները։ ԶԼՄ-ների տեղեկություններով՝ 54-ամյա գերմանացու և նրա շտաբի անդամների հետ պայմանագրերը հաշվարկված են մինչև 2026 թվականը։

Կլոպը «Լիվերպուլում» հանդես է գալիս 2015 թվականից, նրա նախորդ պայմանագիրը նախատեսված էր մինչև 2024 թվականը: Կլոպի գլխավորությամբ «Լիվերպուլը» 2019/20 թվականներին 30 տարվա մեջ նվաճեց Անգլիայի չեմպիոնի տիտղոսը, գերմանացի մասնագետի գլխավորությամբ «կարմիրները» հաղթանակներ են տարել Չեմպիոնների լիգայում, Անգլիայի լիգայի գավաթում, ՈՒԵՖԱ-ի Սուպերգավաթի և Աշխարհի ակումբային առաջնությունում:

«Լիվերպուլը» 79 միավորով երկրորդն է Պրեմիեր լիգայի մրցաշարային աղյուսակում՝ մեկ միավորով զիջելով առաջատար «Մանչեսթեր Սիթիին»: Կլոպի գլխավորությամբ՝ ակումբը դուրս եկավ Չեմպիոնների լիգայի կիսաեզրափակիչ։ Առաջին խաղում անգլիական թիմը սեփական հարկի տակ 2։0 հաշվով հաղթել է իսպանական «Վիլյառեալին»։ Լոնդոնի գավաթի եզրափակչում «Լիվերպուլը» կհանդիպի նաև «Չելսիի» հետ։