Ազգային ժողովի «Քաղաքացիական պայմանագիր» խմբակցության պատգամավոր Վաղարշակ Հակոբյանը ֆեյսբուքյան իր էջում գրել է.

«Հարգելի՛ հայրենակիցներ, երեկ Ապարանում հրազենի գործադրմամբ տեղի ունեցած ողբերգական դեպքի շուրջ մերկանտիլ որոշ ընդդիմադիրներ մամուլում փորձում են գեներացնել շահախնդիր թեզեր, թե իբրև Մաթևոս Ասատրյանը և իր ընտանիքի անդամները մասանկից են այդ վշտալի դեպքին։

Վերոբերյալ մերկապարանոց և սուտ լուրերը չեն համապատասխանում իրականությանը։

Վստահ եմ, որ իրավապահ մարմինների օպերատիվ-հետախուզական և քննչական գործողությունների արդյունքում հանցագործության դեպքի բոլոր համգամանքները կպարզվեն, և քրեական գործի տրամաբանական ընթացքը կավարտվի մեղավորների դատապարտմամբ։

Ցավակցում եմ մահացածի հարազատներին, շուտափույթ կազդուրում եմ մաղթում վիրավորներին»,- գրել ե նա։

Նշենք, որ Ազգային ժողովի «Քաղաքացիական պայմանագիր» խմբակցության անդամ Մաթևոս Ասատրյանը հայտնել էր, որ մամուլում և որոշ քաղաքական գործիչների կողմից տարածվող լուրերը, թե ինքը կամ իր ընտանիքի անդամները մասնակցել են Ապարանում տեղի ունեցած ողբերգական դեպքին, բացարձակ սուտ են և աղերս չունեն իրականության հետ։

210