Ռուսաստանի Դաշնության կառավարությունը կարող է իրավունք ձեռք բերել ցանկացած բիզնես ներգրավելու պետական պաշտպանության պատվեր կատարելու համար՝ նպատակ ունենալով ապահովել Ռուսաստանի Դաշնության զինված ուժերի հակաահաբեկչական և այլ գործողությունների անցկացումը Ռուսաստանի սահմաններից դուրս:
Հուլիսին Պետդուման կարող է ընդունել օրենքների փաթեթ, որը թույլ կտա օգտագործել բիզնեսի հնարավորություններն ու աշխատանքային ռեսուրսները՝ ռազմարդյունաբերական համալիրին օգնելու համար։ Հուլիսի 1-ին փոփոխությունները քննարկելու համար պատասխանատու հանձնաժողովները (պաշտպանության և աշխատանքի) Պետդումայի խորհրդին առաջարկեցին կառավարության առաջարկները ներառել գարնանային նստաշրջանի ժամանակացույցում, որի վերջին նիստը տեղի կունենա հուլիսի 6-ին։
Փոփոխությունները կառավարությանը նոր լիազորություններ են տալիս։ Այն հիմնավորվում է Ռուսաստանի կողմից Ուկրաինայում հատուկ գործողության անցկացմամբ։ Նշված է, որ մարտական գործողությունների պատճառով կա «կարճաժամկետ աճող անհրաժեշտություն զենքի և ռազմական տեխնիկայի վերանորոգման և նյութատեխնիկական ապահովման համար»: Այդ անհրաժեշտությունը վերացնելու նպատակով կառավարությունը մշակված օրինագծեր է ներկայացրել։
«Պաշտպանության մասին» օրենքում կհայտնվի նոր 26.1 հոդվածը՝ նվիրված Ռուսաստանի Դաշնության տարածքից դուրս հակաահաբեկչական և այլ գործողությունների անցկացման ապահովմանը: Նման գործողությունների անցկացումը «ապահովելու» համար Կառավորությունը կկարողանա կիրառել «հատուկ միջոցներ», որոնք հիշեցնում են նախագահի հրամանագրով երկրում մտցված արտակարգ կամ ռազմական դրության որոշակի տարրեր։