Մինչ Ալիևի ռեժիմը Արցախի 120 հազար մարդու պահում է լիակատար շրջափակման մեջ՝ որպես պատանդ և զրկում գազամատակարարումից, Ադրբեջանը, Վրաստանը, Ռումինիան և Հունգարիան դեկտեմբերի 17-ին համաձայնագիր են ստորագրել՝ ի լրումն գազ-նավթային հարաբերությունների՝ Եվրոպա ադրբեջանական էլեկտրաէներգիա մատակարարելու մասին։

Այս մասին «Ֆեյսբուք»-ի իր էջում գրել է Արցախի Հանրապետության պետնախարարի խորհրդական Արտակ Բեգլարյանն ու նշել, որ ստորագրմանը ներկա է եղել Եվրահանձնաժողովի նախագահ Ուրսուլա ֆոն դեր Լեյենը և ողջունել Ալիևին։

«Ամոթ այս առաջնորդներին միջազգային հանցագործի հետ ձեռքսեղմելու և ադրբեջանի ցեղասպանական քաղաքականությունը ֆինանսավորելու համար»,- ընդգծել է նա:

Գրառմանը կից Բեգլարյանը լուսանկար է հրապարակել։