Ուկրաինայի նախագահ Վլադիմիր Զելենսկու այցը, չնայած մի քանի շաբաթ տեւած նախապատրաստական աշխատանքներին, անակնկալ էր ամերիկյան քաղաքական իսթեբլիշմենտի շատ ներկայացուցիչների համար։ Այս մասին չորեքշաբթի հայտնել է Politico թերթը՝ վկայակոչելով իր աղբյուրները։
Հրատարակության համաձայն՝ «Զելենսկու այցը ցնցել է Կոնգրեսի անդամներին ու բարձրաստիճան պաշտոնյաներին»։ Չնայած այն հանգամանքին, որ «շշուկներ կային Վաշինգտոնում սպասվող խոշոր իրադարձության մասին, ոչ ոք չգիտեր Ուկրաինայի նախագահի ժամանման կամ նրա ծրագրերի մանրամասները»,- նշում է թերթը։
Միևնույն ժամանակ, ըստ Politico-ի, այցն ինքնին գաղտնի մշակվել է մի քանի շաբաթ, մինչ Բայդենը դեկտեմբերի 11-ին հեռախոսազրույցի ժամանակ Զելենսկուն հրավիրել է Վաշինգտոն։
Երեքշաբթի ավելի վաղ Axios պորտալը, վկայակոչելով աղբյուրներ, հայտնել էր, որ Զելենսկին չորեքշաբթի օրը՝ դեկտեմբերի 21-ին, կայցելի ամերիկյան մայրաքաղաք և ելույթ կունենա Կոնգրեսի Ներկայացուցիչների պալատի և Սենատի համատեղ նիստում։ Սպասվում է, որ նա շնորհակալություն կհայտնի օրենսդիրներին Ուկրաինային միլիարդավոր դոլարների ռազմական օգնության համար, ինչպես նաև կխնդրի ավելացնել Կիևին տրամադրվող ֆինանսական միջոցների չափը։ Ինչպես հիշեցնում է պորտալը, սա Զելենսկու առաջին այցն է ԱՄՆ՝ Ուկրաինայում Ռուսաստանի Դաշնության հատուկ ռազմական գործողության մեկնարկից ի վեր։
Բացի այդ, ինչպես հաղորդում է CNN-ը, Ուկրաինայի առաջնորդն անձամբ կհանդիպի ԱՄՆ նախագահ Ջո Բայդենի հետ՝ քննարկելու Կիևին տրամադրվող օգնությունը։