Ողջունելի են նախարարության ջանքերը բարենպաստ ներդրումային միջավայրի ստեղծման ուղղությամբ․ Վահագն Խաչատուրյանը՝ էկոնոմիկայի նախարարին

Հանրապետության նախագահ Վահագն Խաչատուրյանն ընդունել է էկոնոմիկայի նախարար Վահան Քերոբյանին:

Ողջունելով նախարարին՝ նախագահ Խաչատուրյանը դրական է գնահատել անցնող տարվա ընթացքում էկոնոմիկայի նախարարության ճկուն և հավասարակշռված քաղաքականությունը և նշել, որ բավական բարդ և անկանխատեսելի տնտեսական իրողությունների պայմաններում նախարարության ձեռնարկած միջոցառումները հնարավորինս կառավարելի են դարձրել տնտեսական ռիսկային երևույթները:

Իր խոսքում Հանրապետության նախագահն ընդգծել է, որ ողջունելի են Էկոնոմիկայի նախարարության ջանքերը ներդրողների համար բարենպաստ և գրավիչ ներդրումային միջավայրի ստեղծման ուղղությամբ:

Նախարար Վահան Քերոբյանը շնորհակալություն է հայտնել նախագահին ընդունելության համար և ներկայացրել կապիտալ ներդրումների և տնտեսական ակտիվության ընդհանուր իրավիճակի մի շարք մանրամասներ, ինչպես նաև միջազգային գործընկերների հետ լոգիստիկ խնդիրների հաղթահարման շուրջ ձեռք բերված պայմանավորվածությունները, մասնավորապես Լարսի անցակետի թողունակության բարձրացման վերաբերյալ:

Հանդիպման ընթացքում քննարկվել են նաև եկող տարում Հայաստանի տնտեսության հնարավոր մարտահրավերների և դրանց լուծման ուղղիների վերաբերյալ հարցեր:

26 Դեկտեմբեր, 2022 18:06

742

ՀՀ նախագահ Վահագն Խաչատուրյանը Փարիզում մասնակցել է «Սպորտը հանուն կայուն զարգացման» առաջին գագաթնաժողովին

26 Հուլիս, 2024 12:57

Բոլորիս ակնկալիքն ու ցանկությունը մեկն է` տեսնել Հայաստանի դրոշը բարձրացած, ուրախ ժպիտներով, հաղթանակած տեսնել ձեզ. Վահագն Խաչատուրյան

25 Հուլիս, 2024 21:54

Վահագն Խաչատուրյանը մեկնել է Ֆրանսիա՝ մասնակցելու Օլիմպիական խաղերի բացման պաշտոնական արարողությանը

25 Հուլիս, 2024 17:48

Մեր երկրների ռազմավարական գործընկերությունը լայն հեռանկարներ է ստեղծում առկա բազմոլորտ համագործակցությունը խորացնելու համար. Խաչատուրյանը՝ Զուրաբիշվիլիին

26 Մայիս, 2024 21:36

Հնարավորինս կաջակցենք նորարարության ծրագրերին․ Խաչատուրյանը՝ «AGBU-Silicon Valley»-ի նախագահին