Իրանում Ադրբեջանի դեսպանատան վրա հարձակումը նախապես ծրագրված էր, երկուշաբթի օրը կայացած ճեպազրույցում հայտարարել է Ադրբեջանի ԱԳՆ մամուլի ծառայության ղեկավար Այխան Հաջիզադեն
Իրանում Ադրբեջանի դեսպանատան վրա զինված հարձակում է իրականացվել հունվարի 27-ի առավոտյան։ Միջադեպի հետեւանքով զոհվել է դեսպանատան անվտանգության ծառայության ղեկավարը, երկու մարդ վիրավորվել է։ Ադրբեջանի ԱԳՆ-ի տվյալներով՝ միջադեպից հետո Թեհրանում երկրի դիվանագիտական ներկայացուցչությունը դադարեցրել է իր գործունեությունը։
«Չնայած 40 րոպե տևած հանցագործությանը, Իրանի ոստիկանությունը օպերատիվ միջոցներ չի ձեռնարկել այն կանխելու համար։ Մուտքի մոտ կանգնած իրանցի ոստիկանը ոչ միայն չի միջամտել միջադեպին, այլև լքել է տարածքը։ Ահաբեկիչները հարձակվել են Ադրբեջանի դեսպանատան վրա, իրանական ոստիկանության մեքենան հասել է դիվանագիտական ներկայացուցչության շենք, բայց հետո քշել: Բոլոր առկա ապացույցները ցույց են տալիս, որ այս միջադեպը նախապես ծրագրված է եղել»,- ասել է Հաջիզադեն։