«ՀԱՊԿ-ը նախ պետք է Հայաստան գա, որ հետո դուրս գալու մասին խոսվի». Արուսյակ Ջուլհակյան
«2021 թվականի մայիսից մինչև հիմա մենք ունեցել ենք երեք, այսպես ասած, խոշոր ներխուժում Հայաստանի Հանրապետության սուվերեն տարածք, և երեք դեպքով էլ ՀԱՊԿ-ը չի եկել Հայաստան:
Երբ մենք ասում ենք՝ ՀԱՊԿ-ը դուրս է գալիս Հայաստանից, պետք է արձանագրենք, որ նա Հայաստան էդպես էլ չի հասել, բացակայում է ՀԱՊԿ-ը Հայաստանից, դա է ողջ պրոբլեմը»,- ԱԺ խորհրդարանական ճեպազրույցների ժամանակ ասաց ՔՊ-ական պատգամավոր Արուսյակ Ջուլհակյանը՝ մեկնաբանելով վարչապետի հայտարարությունը, թե ՀԱՊԿ-ը դուրս է գալիս Հայաստանից:
«Խոսակցութունները, որ ՀԱՊԿ-ը դուրս կգա, դուրս չի գա՝ սին են այնքանով, որ նախ պետք է Հայաստան գա, որ հետո դուրս գալու մասին խոսվի»,- եզրափակեց պատգամավորը:
23 Մարտ, 2023 17:43
887