Երեքշաբթի օրը Թուրքիայի արևմուտքում տեղի ունեցած ջրհեղեղի հետևանքով առնվազն երկու մարդ է զոհվել, պաշտպանության նախարարությունը զինվորականների խումբ է օգնության ուղարկել։ Գրել է РИА Новости-ն։
Ավելի վաղ հաղորդվել էր Թուրքիայի Քիրքլարելի նահանգում ջրհեղեղներից հետո անհետ կորած 5 մարդու մասին։
«Մենք գտել ենք ջրհեղեղի հետևանքով արգելափակվածներից երկուսի դիերը, ևս չորսի որոնումները շարունակվում են: Հուսով ենք, որ նրանց առողջ կգտնենք, քանի որ այս հատվածում կան ելքեր դեպի ճանապարհ»,- մեջբերում է TRT Haber-ը նահանգապետ Քըրքլարելի Բիրոլ Էքիջին, որը համակարգում է փրկարարական աշխատանքները։
Տեղատարափների պատճառով որոշ ճանապարհների հատվածներ ավերվել են, իշխանությունները կոչ են արել քաղաքացիներին դուրս չգալ տներից, եթե խիստ անհրաժեշտություն չկա։
Որոնողափրկարարական աշխատանքներին ներգրավված է 203 մարդ, ինքնաթիռ, 2 ուղղաթիռ և ավելի քան 50 մեքենա։