Սեպտեմբերի 18-ին, ժամը 08։36-ին, Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ «Ծակ Քար» կոչվող տարածքում տեղի է ունեցել ՃՏՊ. անհրաժեշտ է փրկարարների օգնությունը: 

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Մ-2 ավտոճանապարհի Մեղրի-Քաջարան հատվածի 21 կմ-ին «Lexus» մակնիշի ավտոմեքենան (վարորդ՝ Ռ․ Հ․ Գ․ Ռ․ Ռ․ ծնված 1960 թ.) դուրս է եկել ճանապարհի երթևեկելի հատվածից մոտ 15 մետր սահել հարակից ձորակը և կեղաշրջվել։

Մինչ փրկարարների կանչի վայր հասնելը՝ վարորդը հոսպիտալացվել է Մեղրիի ԲԿ, որտեղ բժիշկները տուժածի առողջական վիճակը գնահատել են կայուն:

Փրկարարները հոսանքազրկել են ավտոմեքենան, փակել գազի բալոնի փականը և ուղղել ավտոմեքենան։

Ավտոմեքենան տեղափոխելու համար անհրաժեշտ է հատուկ տեխնիկա։