Ճապոնիայի արտաքին գործերի նախարար Յոկո Կամիկավան այցով ժամանել է Ուկրաինա։ Այս մասին հայտնում է ՏԱՍՍ-ը՝ վկայակոչելով Ճապոնիայի ԱԳՆ-ին։

Ըստ Ճապոնիայի ԱԳՆ-ի՝ դիվանագետը, մասնավորապես, բանակցություններ կվարի Ուկրաինայի արտաքին գործերի նախարար Դմիտրի Կուլեբայի հետ։

Ինչպես հաղորդվում է, Կամիկավան արտասահմանյան շրջագայություն կկատարի հունվարի 5-ից 17-ը, որի ընթացքում կայցելի Գերմանիա, Լեհաստան, Ֆինլանդիա, Նիդերլանդներ, Թուրքիա, ԱՄՆ և Կանադա: Ուկրաինա այցի մասին նախապես չի հայտարարվել։

Ավելի վաղ հայտնի էր դարձել, որ Ճապոնիայի կառավարությունը 4,5 միլիարդ դոլարի չափով օգնություն կուղարկի Ուկրաինային՝ ուղղակիորեն և Համաշխարհային բանկի միջոցով։

530