Անորակ աշխատանք չենք ընդունելու. Ավինյանը՝ կառուցվող 400 թեքահարթակների մասին (տեսանյութ)
Նախատեսված է թեքահարթակների 3 տարբերակ՝ միակողմ, երկկողմ և եռակողմ, նախատեսվում է թեքահարթակների մոտեցումներում և թեքություններում տեղակայել շոշափելի դեղին գույնի սալիկներ տեսողության խնդիրներ ունեցող մարդկանց համար: Այս մասին այսօր Երևանի քաղաքապետարանի գործակարգավարական խորհրդակցության ժամանակ զեկուցեցին Երևանի քաղաքապետ Տիգրան Ավինյանին:
Այս տարի պլանավորված է 400 թեքահարթակ կառուցել Երևան քաղաքում:
Քաղաքապետն էլ նշեց, որ այսուհետ եթե որևէ վարչական շրջանում թեքահարթակ կառուցվի, պետք է պահպանել սահմանված չափորոշիչները.«Մենք պետք է ուշադիր լինենք, որ մեր շինարարները խստորեն հետևեն այն ստանդարտին, որը մենք առաջադրել ենք, անորակ աշխատանք ընդունել չենք կարող»:
12 Փետրվար, 2024 14:57
691