Մինսկում մեկնարկել է Անկախ պետությունների համագործակցության (ԱՊՀ) երկրների արտաքին գործերի նախարարների խորհրդի նիստը։

Համագործակցության գլխավոր քարտուղար Սերգեյ Լեբեդևի խոսքով՝ նախատեսվում է ընդունել մի շարք հայտարարություններ, այդ թվում՝ կապված ՄԱԿ-ի Գլխավոր ասամբլեայում ԱՊՀ դիտորդի կարգավիճակ ստանալու 30-ամյակի հետ։

Նախատեսվում է, որ արտաքին քաղաքականության գերատեսչությունների ղեկավարները մտքեր կփոխանակեն և կքննարկեն միջազգային և տարածաշրջանային օրակարգի ընթացիկ հարցեր։

Հանդիպմանը քննարկման կդրվի ԱՊՀ անդամ երկրներ ուղարկված պատվիրակությունների իրավական կարգավիճակի մասին կոնվենցիայի նախագիծը։ Բացի այդ, կորոշվի, թե Համագործակցության երկրների որ քաղաքները կստանան սպորտային մայրաքաղաքների կարգավիճակ 2025 և 2026 թվականներին։